ځمکنۍ سوداګریزې لارې خلاصول

آریانانیوز: د پاکستان د باندنیو چارو وزیر شاه محمود قریشي وايي، افغان سوله، د پاکستان په شمول د ټولې سیمې پر ثبات مثبت اغېز کولی شي
هغه د اقتصادي پیوستون یو کنفرانس ته په وینا کې زیاته کړې که په افغانستان کې سوله راغله ورسره به د ټرانزیټ لپاره ځمکنۍ لارې خلاصې شي او د دې کار لپاره امریکا پخپله اعلان کړی چې مذاکرات به بیا پيل کړي
نوموړي زیاته کړې چې اوسني حکومت یې له امریکا سره خرابې شوې اړیکې بېرته ورغولې او پاکستان به د افغان سولې د پروسې له بریا وروسته د جنوبي اسیا او منځنۍ اسیا تر منځ د سوداګریز پیوستون په برخه کې مهم رول ادا کړي