پر نبي اکرم (ص) جومات د تروریستي برید په اړه مطبوعاتي اعلامیه

ارګ: جنایتکارو تروریستانو په غیر اسلامي او غیر انساني اعمالو سره یو ځل بیا په جنایت لاس پورې کړ او په هرات ښار کې یې په سپېڅلي ځای (جومات) کې پر لمونځ کوونکو برید وکړ.

د افغانستان مسلمانو خلکو تل د دغه ډول بریدونو پر وړاندې خپل یووالی او همدلي ښودلې او د دغه ډول اعمالو په مقابل کې تر پخوا زیات متحد ودرېږي.

جمهوررئیس غني د دغه تروریستي برید د غندلو پرمهال اړوندو مسوولینو ته د سپېڅلو ځایونو د لا ښه امنیت د تامین په اړه لازمه لارښوونه او د خدای تعالی په دربار کې یې د دغې پېښې ټپیانو ته د بشپړې روغتیا هیله وکړه.