پاکستان کې تر ۳۰ زره ډېر افغان کډوال بنديان دي

ملګري ملتونه وايي، پاکستان تر ۳۰ زره ډېر افغان کډوال نیولي دي.

د کډوالو په چارو کې د ملګرو ملتونو عالي کمېشنرۍ په خپل تازه راپور کې ویلي چې له درېیو میاشتو راهیسې له پاکستانه څه باندې ۴۹۳ زره کډوال افغانستان ته ستانه شوي او یا هم شړل شوي دي.

دغه سازمان زیاته کړې چې د دسمبر له ۳۱مې نیټې راهیسې د پاکستان د پولیسو له خوا تر ۳۰ زره زیات مهاجر نیول شوي دي. له پاکستان څخه افغانستان ته راغلي يو شمېر کډوال وايي، چې هېڅ سرپناه نه لري، ماشومان يې په بد حالت کې دي او په سړه موسم کې له ګڼو ننګونو سره مخ دي.