د عالي ملي پخلاینې شورا رییس او د پاکستان لومړي وزیر ترمنځ د تلیفون خبرې

آریانانیوز: زموږ د هیواد د ملي پخلاینې عالي شورا رییس او د پاکستان لومړي وزیر عمران خان په یوه تلیفوني خبرو کې په افغانستان کې د سولې پر پروسې خبرې وکړې...

عبدالله عبدالله پدې خبرو کې وویل: په افغانستان کې د سولې لپاره یو استثنایی فرصت برابر شوی او له دې فرصت څخه باید ګټه واخیستل شي.

زموږ د عالي ملي پخلاینې شورا مشر هم  د سیمې اجماع او د پاکستان همکارۍ سولې ته رسیدو لپاره مهم وبللې.

عمران خان هم په افغانستان کې د سولې لپاره د خپل هیواد ملاتړ څرګند کړ او هیله یې څرګنده کړه چې د بین‌الافغانی  خبرې اترې ژر تر ژره پیل شي.

د پاکستان لومړي وزیر هم عبدالله عبدالله ته پاکستان ته د سفر بلنه ورکړې ، چې د ملي پخلاینې عالي شورا د مشر لخوا ومنل شو.