په کابل کې د بیلا بېلو جرمونو په تړاو څو تورن کسان ونیول شول

آریانانیوز: کابل پولیسو له جنایي جرمونو سره د مبارزې مسولینو رسنیو ته په استولې خبر پاڼه کې ویلي چې د تېرو ۱۰ورځو په لړ کې یې د کابل ښار په لومړۍ، یولسمه، اتمه، څلوره، شپاړسمه، دیارلسمه، شپږمه او دیارلسمه حوزه او د دې ولایت په پغمان ولسوالۍ کې ۱۹ تنه د بېلا بېلو جرمونو په تړاو نیولي دي.
مسولین زیاتوي چې دغه شمېر کسان د وژنو، انسان تښتونو، وسله والو غلاوو، د غیر قانوني وسلو د لیږدولو او د موټرونو د نمبر پلیټونو د پټولو په تور د کابل ولایت امنیې قومندانۍ د مسولینو له لوري نیول شوي او د قانون منګولو ته سپارل شوي دي .