برخه -څانګه : afghanistan, politics, security -+

د خپرولو وخت : چهارشنبه, 18 آگوست , 2021 لنډ لینک :

ټرمپ: د افغان حکومت سقوط د امریکا تر ټولو ستره ماتې ده / بایډن باید استعفا ورکړي

آریانانیوز: ډونالډ ټرمپ د متحده ایالاتو پخواني ولسمشر د افغان حکومت سقوط په تاریخ کې د متحده ایالاتو ترټولو لوی پوځي ماتې وبلله.


ډونالډ ټرمپ له افغانستانه د امریکايي ځواکونو د وتلو په اړه د د متحده ایالاتو اوسنی ولسمشر جو بایډن د مدیریت په څرنګوالي انتقاد وکړ او له هغه یې وغوښتل چې استعفا ورکړي.

د یکشنبې په ورځ په یوه خپره شوې اعلامیه کې ، ټرمپ لیکلي: دا وخت دی چې بایډن د هغه څه لپاره چې په افغانستان کې د پیښیدو اجازه یې ورکړې د بی آبرویی سره استعفا ورکړي.

هغه همدا راز د افغان حکومت سقوط د امریکا په تاریخ کې یوه له سترو پوځي ناکامیو څخه وبلله.

د اشرف غني له هیواد څخه د وتلو څو ساعته وروسته ، د طالبانو افراد په کابل کې د ولسمشرۍ مانۍ ته ننوتل.

الجزیرې تلویزیون ، د ماڼۍ ودانۍ په بیلابیلو برخو کې د طالبانو د غړو د عکسونو په ښودلو سره ، هغه تایید کړه چې دوی د ولسمشرۍ ماڼۍ کنټرول په لاس کې اخیستی دی.

د ماڼۍ تر نیولو وروسته ، نعیم وردګ؛ د طالبانو یوه ویاند د جګړې پای اعلان کړ.

د افغان حکومت د سقوط په اړه په لومړي غبرګون کې ، انتونیو ګوترس په یوه بیان کې ، د ملګرو ملتونو عمومي منشي په طالبانو او په افغانستان کې پر نورو ښکېلو خواوو غږ وکړ چې په خورا زغم سره د انسانانو ژوند خوندي کړي او د بشري اړتیاو برابرول تضمین کړي.

د ملګرو ملتونو د اعلامیې له مخې ، ښاغلي ګوټرس په ځانګړي توګه د میرمنو او انجونو راتلونکي په اړه اندیښنه لري او د دوی د حقونو ساتنې غوښتنه کوي.

شریک یي کړئ!