برخه -څانګه : afghanistan, economic, social -+

د خپرولو وخت : سه‌شنبه, 30 مارس , 2021 لنډ لینک :

د کاسا- ۱۰۰۰ بریښنا پروژې په کار کې پرمختګ

آریانانیوز: په تیر کال کې ، په هیواد کې د کاسا - 1000 پروژې 30 سلنه کار پرمختګ کړی...


چارواکي وايي چې په کندوز ولایت کې له ۱۴۰ څخه د زیاتو سب سټیشنونو نصب کار بشپړ شوی او په بغلان ولایت کې به د سب سټیشنونو نصبولو پروسه ژر پیل شي.

په هیواد کې د پروژې په پلي کولو کې دوه کاله ځنډ سره سره ، په کندز کې ځایی چارواکي وايي چې د تیر کال راهیسې په دې ولایت کې د کاسا -۱۰۰۰ د بریښنا د لیږد مزي غزولو لپاره د بریښنا پایې نصبولو کار د شدت سره روان دی.

د کندوز والي ، عبدالستار میرزکوال وویل: دا پروژه په کندوز کې په ښه ډول پرمخ ځي او کومه ستونزه نشته. موږ د دې پروژې ټولنیزې ستونزې او نورې ننګونې حل کړې.

دا پروژه په مرکزي آسیا کې یوه ترټولو لویه پروژه ده چې پر اساس یې د قرغزستان او تاجیکستان څخه ۱۳۰۰ میګا واټه بریښنا د ۱۲۵۰ کیلومتره بریښنا مزي غزولو سره افغانستان او پاکستان ته رسیږي.

له دې لارې به د ۵۶۰ څخه ډیر د بریښنا پایې نصب شي.

د بریښنا شرکت ویاند وحیدالله توحیدي پدې برخه کې وايي: د دې پروژې مفصل سروې ، د لارې پروفایل او بنسټونه په بشپړ ډول او ۱۰۰٪ بشپړ شوي دي. ځینې استثنایی سیمې ، لکه د اوبو سیندونه او ځینې لرې پرتې سیمې لاهم ندي بشپړې شوي.

د بریښنا چارواکي وايي چې د کاسا ۱۰۰۰ پروژې په عملي کولو سره به افغانستان په کال کې شاوخوا ۴۵ ملیونه ډالر د بریښنا د ترانزیت په برخه کې ترلاسه کړي.

په پام کې وه چې پروژه پروسږکال کار پیل کړئ ، خو لا نه ده پرانیستل شوې.

شریک یي کړئ!