د لویدیز د عالمانو د شورا رییس: فرانسوي سرتیري باید له افغانستانه ووځي

آریانانیوز: د لویدیز افغانستان د عالمانو شورا عمومي رییس په فرانسه کې د اسلام ستر پیغمبر (ص) د سپکاوي په خاطر انتقاد وکړ او د دغه هیواد د سرتیرو له ایستلو یې وغوښتل...

د لویدیزې حوزې د عالمانو د شورا رییس مولوی خداداد صالح وویل: په فرانسه کې د پوهنتون د استاد له خوا د اسلام د پیغمبر (ص) سپکاوی؛ دا د نړۍ مسلمانانو ته غندل او د نه منلو وړ دی.

هغه زیاته کړه: د یو چا لخوا د اسلام د پیغمبر (ص) سپکاوی چې د فرانسې د ولسمشر لخوا هم تائید شو د مسلمانانو زړونو ته زیان ورساوه.

صالح دوام ورکړ: فرانسوي سرتیري باید هرڅومره ژر چې امکان ولري له افغانستان څخه ووځي.

د لویدیز افغانستان د عالمانو شورا رییس وویل چې فرانسوي سرتیري د افغانستان د مسلمانانو د وژلو لپاره راغلي او نه غواړي په هیواد کې سوله راشي.

د افغانستان خلکو د فرانسې د سپکاوي په هکله د اسلام د سپیڅلي پیغمبر ځای ته غبرګون ښودلی او په دې وروستیو کې ډیری افغان سیاسي څیرو او نهادونو د فرانسې دغه اقدام په لویدیځ کې اخلاقي زوال بللی دی.

د افغانستان د اسلامی اخوت شورا پرون د پیغمبر اکرم (ص) د زیږون د لمانځلو په مراسمو کې د فرانسوي عمل غندنه وکړه او هغه یې د بیان له ازادۍ ناوړه ګټه وبلله.