د صندوقلي او مزارشریف د نفتي بلاکونو د موندنې او تولید د وېش قرارداد د تعدیل توافقتنامه لاسلیک شوه

آریانانیوز: د افغانستان د اسلامي جمهوریت د جمهور رئیس محمد اشرف غني په حضور کې کانونو وزارت او کنسرسیوم افغان – تاجک د صندوقلي او مزارشریف د نفتي بلاکونو اکتشافي او د تولید د وېش قرارداد د تعدیل توافقتنامه نن ماسپښین د ځمکو، اوبو او چاپیریال ساتنې عالي شورا په پای کې لاسلیک کړه.
د دې توافقنامې مطابق کنسرسیوم په دوه کالو کې ۶۰ میلیون ډالر پانګونې، په ۲۰ میلیون ډالر پانګونه د قرارداد په ساحو کې له ۱۰۳۰ څخه تر ۱۲۰۰ کیلو متر اوږدې سایزمیکي سروې کولو او په ۴۰ میلیون ډالر پانګونې ۵۵۰۰ متره د ژورې اکتشافي څا کېندنې ته ژمن دی.
یاده پروژه به له ۴۰۰ څخه زیاتو کسانو ته کاري فرصتونه برابر او د دولت عواید لوړ کړي