برخه -څانګه : afghanistan, politics -+

د خپرولو وخت : سه‌شنبه, 26 ژانویه , 2021 لنډ لینک :

ایا عبدالهادي ارغندیوال د ۹۱ کوډ قرباني شو؟

آریانانیوز: د مالیې وزیر له دندې ګوښه کړ پداسې حال کې چې یو شمیر ماهرین پدې باور دي چې ارغندیوال د 91 کوډ په اړه د هغه انکشافاتو قرباني شوی...


ولسمشر غني ، عبدالهادي ارغندیوال؛ د مالیې وزیر له دندې ګوښه او پر ځای یې محمد خالد پاینده د مالیې وزارت د نوي سرپرست په توګه وټاکل شو.

د ولسمشرۍ دفتر د شنبې په ورځ یو بیان خپور کړ چې پکښې راغلي چې د افغانستان د اسلامي جمهوریت جمهور رئیس په جلا فرمانونو کې عبدالهادي ارغندیوال د مالیې وزیر له دندې ګوښه کړ او محمد خالد پاینده یې د مالیې سرپرست وزیر په توګه وټاکه.

د ولسمشر په فرمان کې ، د مالیې د وزیر د ګوښه کیدو لاملونه، د عوایدو په راټولولو کې ځنډ، په مالیې وزارت کې د غیر قانوني ګمارنو د څېړلو په اړه له ټاکلي پلاوي سره مرسته نه کول او د داسې تحقیقاتو مخنیوي ، مدیریتي ضعف ، د ښې حکومتدارۍ ارزښتونو ته نه ژمنتیا ، د اساسي قانون د ۷۷ مادې په پام کې نه نیول او د جمهوري ریاست له احکامو او لارښوونو څخه سرغړونه ، یاد شوې ده.

دوه میاشتې وړاندې ، ولسي جرګې د کابینې ۱۰ نوماند وزیرانو ته د عبدالهادي ارغندیوال په ګډون د باور رایه ورکړه.

د مالیې وزیر له دندې ګوښه شو پداسې حال کې چې د ملي بودیجې سند چې د دې وزارت له اصلي دندو څخه دی ، تر دې دمه د ولسي جرګې لخوا دوه ځله رد شوی دی ، او دا د دواړو قواوو ترمنځ سیاسي کړکیچ بدل شوی.

ځینې کارپوهان هم په دې باور دي چې ارغندیوال د ۹۱ کوډ په اړه افشا کولو قرباني شوی.

شریک یي کړئ!