افغانستان دنیا میں امدادی کارکنوں کے لیے خطرناک ترین ملک میں شامل

اقوام متحدہ کے دفتر برائے رابطہ انسانی امور (او سی ایچ اے) نے ایک بیان میں لکھا ہے کہ اگست 2021 کے بعد افغانستان میں جنگ میں کمی کے باوجود طالبان کی جانب سے خواتین پر عائد پابندیوں نے امدادی تنظیموں کے عملے کے لیے سنگین چیلنج پیدا کر دیا ہے۔

بیان میں کہا گیا ہے کہ خواتین اور لڑکیوں کو نشانہ بنانے والے طالبان کے پابندیوں کے اقدامات تعلیم، خدمات اور روزگار تک ان کی رسائی کو محدود کرتے ہیں، کچھ انسانی سرگرمیوں کو محدود کرتے ہیں، اور اہم رکاوٹیں پیدا کرتے ہیں جن پر امدادی کارکنوں کو اپنا کام جاری رکھنے کے لئے ہمیشہ قابو پانا پڑتا ہے۔

او سی ایچ اے نے یہ بھی اعلان کیا کہ طالبان کے اقتدار میں آنے کے بعد افغانستان امدادی کارکنوں کے لئے دنیا کے پانچ “خطرناک ترین” مقامات میں سے ایک ہے۔