په چین کې د 2 ماشومانو درلودو محدودیت ختم شو

آریانانیوز: د چین د نفوس د ودې د کمیدو په تعقیب ، حکومت خپله پالیسي بدله کړه او اعلان یې وکړ چې له دې وروسته هر جوړه کولی شي تر 3 پورې ماشومان ولري...

د رویټرز په وینا ، د نړۍ ترټولو ګن میشته هیواد کې د زیږونونو پام وړ کمولو په اړه د نوي معلوماتو خپریدو وروسته ، چین د دوشنبې په ورځ اعلان وکړ چې واده شوې جوړه اوس کولی شي تر درېیو پورې اولادونه ولري.

د شینهوا رسمي خبري اژانس د راپور له مخې دغه پریکړه د چین د ولسمشر شي جین پینګ په مشرۍ د واکمن ګوند په سیاسي غونډه کې تصویب شوه.

د دې میاشتې په پیل کې ، په چین کې د سرشمېرنې پایلې ښیې چې نفوس په تیره لسیزه کې 1.41 ملیارد ته لوړ شوی ، چې د 1950 راهیسې ترټولو ټیټ د ودې کچه ده.