برخه -څانګه : world -+

د خپرولو وخت : دوشنبه, ۲۴ ثور , ۱۳۹۷ لنډ لینک :

د صهيونېسټ رژيم په متواتره توګه په مينځني ختيځ سيمه کښې د جنګ اور بلونه په اړه اردوغان نيوکه

د یورپوټ له مخې رجب طيب اردوغان برطانيې ته د سفر په درشل کښې له بي بي سي چېنل سره په مرکه کښې د سوريې په خاوره باندې د اسرائيلي رژيم په وروستيو حملو باندې په نيوکې سره تاکيد وکړ، اسرائيل په متواتره توګه په مينځني ختيځ سيمه کښې د جنګ اور بلونه او وحشت خپرونه کوي.


اردوغان په دې اړه چې د سوريې له خاورې څخه د دمشق په اويا کيلوميټرۍ کښې د جولان په نيواکي غونډيو د ايراني توغنديو حمله شوې ده د اسرائيلو د ادعا په ردولو سره واضحه کړه چې دمشق په دې وروستيو ورځو کښې په ځلونو اعلان کړے چې په جولان باندې ويشتل شوي توغندي په قنيطره سيمه باندې د اسرائيلو حملو ته د سوريې د فوځ ځواب ؤ.
د سوريې فوځ د تېر زيارت په ورځ د مۍ په لسمه نېټه په سوريې کښې د قنيطره سيمې لوري ته د صهيونېسټانو د توغنديو له توغولو وروسته د جولان په غونډيو باندې په لسګونو توغندي وويشت
د ترکيې ولسمشر همدارنګ د ايران له اېټمي موافقې څخه د امريکې د وتلو د عواقبو په اړه د خبرداري په ورکولو سره وويل:د دغه هېواد د ولسمشر ډونالډ ټرمپ اقدام به په راتلونکو ورځو کښې د مشکلاتو د رامنځته کېدو سبب شي.
اردوغان له جنګ نه د محفوظو سيمو د رامنځته کولو لپره د آستانې د خبرو اترو د موافقې په چوکاټ کښې په سوريې کښې د ترکيې د فوځ موجودګۍ ته په اشارې سره زياته کړه، انقره، تهران او ماسکو له ترهه ګرۍ سره د مبارزې په چوکاټ کښې په سوريې کښې تر اوسه لس فوځي څارونکې اډې جوړې کړې دي او دوه نوې اډې به هم زر جوړې کړې شي.

شریک یي کړئ!

نوی خبرونه