د روسیې او اروپايي اتحادیې تر منځ د تاوتریخوالي زیاتیدل

آریانانیوز: د روسیې د بهرنیو چارو وزیر ویلي دي چې روسیه نور د اروپایي اتحادیې سره د سازمان په توګه هیڅ اړیکې نلري وروسته له هغې چې بروکسل اړیکې خرابې کړي...

سرګي لاوروف زیاته کړه کله چې اروپایی اتحادیه چمتووالی لري په اړیکو کې دا اختلال حل کړي ، روسیه به چمتو شي چې له دې اتحادیې سره د اړیکو پیاوړي کولو لپاره هڅه وکړي.

د روسیې د بهرنیو چارو وزیر زیاته کړه چې دغه هیواد او چین اروپايي او غربي بندیزونه د منلو وړ نه ګڼي.

پرون د روسیې ولسمشر ولادیمیر پوتین د اروپا د شورا له رئیس چارلس میشل سره په خبرو کې د مسکو په اړه د اروپايي اتحادیې متناقض دریځ وغندلو.

له بلې خوا ، میشل پوتین ته وویل چې د اروپايي اتحادیې او روسیې ترمنځ اړیکې په ټیټه کچه کې دي او دواړه خواوې په څو مسلو کې سره توپیر لري.