د اوکراین د پوځ لخوا د قران کریم سپکاوی

آریانانیوز: د اوکراین یو شمېر پوځیانو په یوه ناوړه عمل کې د قران کریم سپکاوی وکړ.

یو شمېر اوکرایني پوځیانو په یوه توهینونکي عمل کې د قرآن کریم پاڼې څیرې کړې او اور یې ورته واچاوه.

د روسیا الیوم د راپور له مخې، هغه انځورونه چې د اوکراین د شخړې له محور څخه خپاره شوي ښيي چې د اوکراین د پوځیانو یوه ډله په یوه ناوړه عمل کې د قرآن کریم نسخې سوځوي او ځینې نور یې د خنزیر په غوښه ککړوي.

د دغه رپوټ له مخې د چیچنیا ولسمشر رمضان قدیروف د اوکرایین د پوځ لخوا د قرآن کریم سپکاوی وغندۀ او ژمنه یې وکړه چې د دغه جنایت عاملین به محاکمه او مجازات شی.

قدیروف همداشان د دغه جنایت عاملین «کینه کښ نازیان» وبلل.