اردوغان – دملګروملتو له امنیت شوراڅخه د مسلمانانو د حقوقو د رعایتولو اوعدالت تمه نه لرو

آریانانیوز: د ترکیې ولسمشر رجب طیب اردوغان بیګا دملګروملتو دامنیت شورا په جوړښت په نیوکو سره ووئیل دغه جوړښت ناعادلانه دی او هیڅوک باید له دغې شورا د مسلمانانو د حقوقو د رعایتولو او عدالت تمه ونه لری.

اردوغان زیاته کړې، د نړۍ په اوسنی نظام کې دمسلمانانو لپاره د برخلیک دټاکنې حق په رسمیت نه دی پیژندل شوی او سره له دې چې اسلامی نړۍ څه دپاسه یو نیم میلیارډ نفوس لری، خو هیڅ یو هیواد دامنیت شورا دایمی غړی نه دی.
همدا رازهغه ټینګار کړی، نړۍ د ملګروملتو دامنیت شورا له پنځو دایمی غړو لاستره ده، پر دې اساس باید د دغې شورا په جوړښت کې اساسی بدلون راوستل شی.