میانمار – پرروهینګیايي کډوالو مرسته بنده شی

آریانانیوز: د بنګله دیش د بهرنیو چارو وزارت پرون وویل: د میانمار په پلازمینې نایپیداو کښې د دواړو هیوادونو د چارواکو ترمینځ په شویو خبرواترو کښې د میانمار یو لوړرتبه چارواکي له بنګله دیشه وغوښتل چې له روهینګیايي کډوالو سره انساندوستانه مرستې بندې کړي.

په عین حال کښې د روهینګیا قام کډوالو له خپلو حالاتو د اندیښنې په څرګندولو سره ویلي چې پر دوي د میانمار د حکومت وروستي دباونه یې د حالاتو د لاپيچلې کیدو سبب شوي دي.
له دې مخکښې ملګرو ملتو د میانمار پوځ په دغه هیواد کښې د نسل ختمونې عامل او د نړۍ ترټولو بد پوځ بللی و.
نړیوال سره صلیب هم ویلي وو چې د میانمار روان حالات د روهینګیا مسلمانو کډوالو د ورستنولو لپاره امن او ښه نه دي.