تورخم کې د افغانستان د تاریخي اثارو یوه محموله کشف شوه

تورخم کې طالب چارواکو پاکستان ته د ۱۱ تاریخي اثارو د قاچاق د مخنیوي اعلان وکړ.

تورخم کې د طالبانو چارواکو اعلان کړی، چې د دې ادارې آمریت پاکستان ته د ۱۱ تاریخي اثارو د قاچاق مخه نیولې ده.

طالب چارواكي وايي، چې د امنيتي ځواكونو له خوا د دغو تاريخي اثارو د قاچاق په تور يو تن نيول شوى دى.

د يادونې وړ ده، چې څو ځلې د طالبانو د امنیتي ځواکونو له خوا پاکستان ته د افغانستان د تاريخي اثارو د قاچاق مخه نيول شوې ده.