د ځواکونود شمېر کمويل

آریانانیوز: دیوراپورپه اساس د جرمني هیواد غواړي افغانستان کې د خپلو مېشتو ځواکونو د شمېر په کمولو پیل وکړي
د جرمني خبري اژانس د راپور سره سم، دا هیواد دمګړی په افغانستان کې ۱۳۰۰ سرتېري لري او غواړي د ۱۸ سلنه سرتېرو په کمښت سره د افغان دولتي ځواکونو د روزنې ماموریت روان وساتي
جرمني وروسته له هغه له افغانستان څخه د خپلو ځواکونو په ایستلو پیل کوي، چې په تېره فبروري میاشت کې د جرمني او لسګونو نورو هیوادونو د استازو په حضور کې طالبانو او امریکا د سولې تړون لاسلیک کړ
د لاسلیک شوي تړون له مخې به د څوارلس میاشتو دننه امریکا خپل او د ناټو په چوکاټ کې ورسره راغلو متحدینو عسکر او استخباراتي کارکوونکي له افغانستانه باسي
د جرمني سره هم مهاله برتانیا او امریکا هم د خپلو عسکرو په ویستلو پیل کړی. د امریکا د بهرنیو چارو وزیر «مایک پمپیو» د طالبانو د سیاسي دفتر له مشر ملا برادر اخند سره په تازه لیدنه کې نوموړي ته ډاډ ورکړی وو، چې له توافقنامې سره سم به امریکایي ځواکونه افغانستان پرېږدي.