برخه -څانګه : accidents, afghanistan -+

د خپرولو وخت : شنبه, 6 ژوئن , 2020 لنډ لینک :

د پکتیا دسیدکرم ولسوالۍ امنیه قومندان ووژل شو

آریانانیوز: دیورپوټ په اساس د پکتیا امنیتي مسئولین وايي، د سیدکرم ولسوالۍ امنیه قومندان همایون همت تیره شپه د طالبانو پرضد عملیاتو پر لاره د ماین چاودنه کې وژل شوی دی
د سیدکرم ولسوال شریف کلیوال رسنیو ته ویلي، تیره شپه ددې ولسوالۍ په چینو کلي کې د پولیسو او طالبانو ترمنځ جګړه روانه وه او امنیه قومندان همایون غوښتل د پولیسو د ملاتړ لپاره د جګړې ساحې ته ځان ورسوي؛ خو په لاره کې یې د سپرلۍ ټانګ د ماین د چاودنې ښکار شو
نوموړی زیاتوي، په دغه چاودنه کې یو هاموې ټانګ ویجاړ شوی، د قومندان همایون په ګډون ۴ پولیس وژل شوي او ۴ نور ټپيان دي
ویل کیږي چې قومندان همایون همت همدا پرون مازدیګر د سیدکرم ولسوالۍ د امنیه قومندان په توګه په کار پیل کړی ؤ، چې تیره شپه یې په جګړه کې خپل ژوند له لاسه
ورکړ.

شریک یي کړئ!
ټکي