44سلنه افغانان د خوړو له نه خوندیتوب سره مخ دي

آریانانیوز: د کرنې او مالدارۍ وزارت ویاند اکبر رستمي وویل چې له دې امله تر ډېره کلیوالې سېمې اغېزمنې دي.

د افغانستان ۴۴ سلنه وګړي د خوړو له نه خوندیتوب سره مخ دي. ده وویل:”که په ملي کچه ارزونه وکړو، په لومړي قدم کې کلیوالې سېمې د خوړو له نه خوندیتوب سره مخ دي، دوهمه کټګورۍ کې ښاریان او په درېیمه کې کوچیان شامل دي.”
تېره ورځ د خوړو د خوندیتوب نړېواله ورځ وه او د افغانستان د کرنې وزارت هم وایي چي دا اوونۍ په دې برخه کې یو لړ پروګرامونه لري.