کاپیسا کې اربکی قومندان وژل شوی

آریانانیوز: د کاپيسا په تګاب ولسوالۍ کې د اربکیانو قومندان غنم ګل د طالبانو په برید کې وژل شوی دی.

د طالبانو د خبرپاڼې له مخې قومندان غنم ګل د تګاب په قلعه صالح سیمه کې د دوی د سرتېرو تر برید لاندې راغی.
خبرپاڼه زیاتوي په برید کې د قومندان غنم ګل یو ساتونکی وژل شوی او یو مېل وسله يې طالبانو له ځان سره وړې ده.
د کاپیسا ځايي چارواکو يې په اړه تر اوسه څه نه دي ويلي.