په ترکیه کې تر ۵۰ زیات افغانان نیول شوي دي

د ترکیې امنیتي ځواکونو په چناک قلعه ولایت کې ۵۵ ناقانونه افغان کډوال پیژندلي او نیولي دي.

د ترکیې امنیتي ځواکونو د چناک قلعه ولایت په مربوطاتو کې د عملیاتو په ترڅ کې ۵۵ تنه افغانان چې غوښتل یې په ناقانونه توګه خارج ته سفر وکړي نیولي دي.

د پولیسو په ریاست کې تر قانوني مراحلو وروسته دغه کسان په ایواجیک کې د بهرنیو اتباعو د استرداد مرکز ته انتقال شول.

د دې عملیاتو په لړ کې، امنیتي ځواکونو هم د مهاجرینو د قاچاق په تور ۵ تنه نیولي او د هغوی له استوګنځایونو څخه یې ۲۳ ژوند ژغورنکي جاکټونه او ۱۸ زره لیره پیسې ضبط کړي دي.