په ایران کې میشتو افغان وګړو لپاره د بریښنایی تذکرو د ویش د پروګرام پیل

آریانانیوز: په ایران کې میشته افغانانو ته د بریښنایی تذکرو او ماشین لوستلو پاسپورتونو ویش لپاره پراخه برنامه په رسمي ډول پیل شوې ده...

د بهرنیو چارو وزارت په وینا ، د دې برنامې په خپرولو سره به په ایران کې د افغانانو شتون په پراخه کچه قانوني شي.

او دا به د افغانانو لپاره په ایران کې خپلو حقونو او امتیازاتو ته لاسرسی اسانه کړي.

د هویت او قانوني مسلو حل به په ایران کې میشتو ټولو اتباعو ته زده کړې ، روغتیا پاملرنې ، بیمې او کارموندنې ته قانوني لاسرسی ومومي.

د دې هراړخیز پروګرام په رسمي توګه په لاره اچولو لپاره د بهرنیو چارو وزارت ، د کډوالو او راستنیدونکو چارو وزارت ، او د احصایو او معلوماتو ملي ادارې ترمنځ د تفاهم او همکارۍ یادداشت لاسلیک شو.

میرویس ناب ، د بهرنیو چارو په وزارت کې د اقتصادي همکاریو معین ، د کډوالو چارو وزارت معین ډاکټر عالمه او د ملي احصایې او اطلاعاتو دفتر رییس جاوید رسولي د دریو ادارو په استازیتوب تفاهم لیک لاسلیک کړ.