پنټاګون په ۲۰۲۱ کال کې په افغانستان کې د ۱۲ ملکي وګړو د وژل کیدو اعتراف وکړ

آریانانیوز: پنټاګون ویلي، چې په ۲۰۲۱ کال کې په افغانستان کې د امریکايي ځواکونو د عملیاتو په پایله کې ۱۲ ملکي وګړي وژل شوي او دوه نور ټپیان شوي دي.

د افغانستان د شفقنا خبري اژانس د راپور له مخې، سي ان ان د پنټاګون د راپور په حواله راپور ورکړی چې د دغو ملکي وګړو له جملې څخه ۱۰ تنه د ۲۰۲۱ کال د اګست په ۲۹مه، له افغانستان څخه د امریکايي ځواکونو له وتلو یوه ورځ مخکې، په کابل کې د امریکايي ځواکونو د بې پیلوټه الوتکې په برید کې وژل شوي دي.

سي ان ان زیاته کړه چې په دې پیښه کې له لسو وژل شویو ملکي وګړو څخه اوه یې ماشومان وو.

د امریکا د بې پیلوټه الوتکې دا ناکام برید د دې لامل شو چې د متحده ایالاتو هوایی ځواک په دې اړه پلټنه وکړي او د متحده ایالاتو د مرکزي قوماندانۍ مشر جنرال فرانک مکینزي د دې لپاره بښنه وغواړي.
مک کینزي ومنله چې دا پیښه یوه ‘غلطي’ وه.

د یادولو وړ ده چې په پای کې د امریکا د متحدو ایالتونو هیڅ یو مشر یا نظامي ځواکونو ته ددې برید په خاطر سزا نه ده ورکړل شوې.

په ۲۰۲۱ کال کې په افغانستان کې په دوو جلا هوايي بریدونو کې دوه نور ملکي وګړي ووژل شول، چې یو یې د جنورۍ په اتمه په هرات او بل یې د اګست په ۱۱مه په کندهار کې و.

په دغه راپور کې دا هم راغلي چې د ۲۰۲۱ کال د جنورۍ په ۱۸ مه په کندهار کې د امریکايي ځواکونو په هوايي برید کې دوه ملکي وګړي ټپیان شوي وو.

په دغه راپور کې راغلي چې د افغانستان د دفاع وزارت په ۲۰۲۱ کال کې په افغانستان کې د جنورۍ د اتمې د پېښې قربانیانو ته تاوان ورکړی دی.

د دغه راپور له مخې، د امریکا دفاع وزارت ویلي چې د اګست په ۲۹مه د بې پیلوټه الوتکې په برید کې د وژل شویو کسانو د کورنیو له ژوندي پاتې غړو سره به همکاري وکړي. خو دغه راپور تاییدوي چې دغې کورنۍ ته هیڅ پیسې نه دي ورکړل شوي.