ټایمز: د برتانیا له حکومت سره د کارکونکو افغانانو ژوند له خطر سره مخ دی

د ټایمز ورځپاڼې د راپور له مخې تر اوسه شاوخوا دوه زره د بریتانیا افغان همکاران له افغانستانه نه دي وتلي.

د برتانیا ټایمز ورځپاڼې د راپور له مخې شاوخوا دوه زره افغانان چې په هغو کې ۴۰۰ یې د برتانوي ځواکونو لپاره د ژباړونکو په توګه کار کړی او د بیا مېشتېدو وړ دي، تر ۲۰۲۱ کال پورې له افغانستانه نه شي وتلی .

ویل کیږي چې په افغانستان کې د بیا میشتیدنې د پروګرام او د حکومت په مرسته د بیا میشتیدنې په شرایطو برابر ۴۰۰ تنه د ۱۶۰۰ کورنیو غړي په افغانستان کې بند پاتې دي.

ټایمز لیکي، برسېره پر دې، په زرګونو نور وړ افغانان په نورو هیوادونو کې سړګردانه دي. د ۲۰۲۲ کال له جنورۍ څخه د ۲۰۲۳ کال تر مارچ پورې، د برتانیا حکومت له ۱۵.۷ میلیونه پونډ څخه زیات د افغانانو په بهر کې په هوټلونو کې د ځای پر ځای کولو لپاره لګولي دي.

خو د ورځپاڼې په وینا د بریتانیا حکومت هڅه کوي چې افغان ژباړونکي او د هغوی کورنۍ له ټاکلي نیټې مخکې په هوټلونو کې ځای پرځای کړي.

ټایمز زیاتوي چې د یوې حکومتي سرچینې په وینا هره اونۍ له ۴۰۰ تر ۴۵۰ پورې کسان له هغو هوټلونو ایستل کېږي چې د افغان کډوالو کوربه وي.

د ۲۰۲۱ کال په اګست میاشت کې د لویدیځو هېوادونو اتباع او افغانان چې له دوی سره یې همکاري کړې وه د کابل له هوايي ډګر څخه وایستل شول. د ۲۰۲۱ کال د اګست په ۳۱مه شپه امریکايي ځواکونه د کابل له هوايي ډګره ووتل او په افغانستان کې د امریکا شل کلن پوځي حضور په بېړه له وتلو سره پای ته ورسېد.