ولسمشر غني د هېواد د کانونو د استخراج چارو په ګړندیتوب ټینګار کوي

آریانانیوز: ولسمشر محمد اشرف غني په هغه غونډه کې چې د هېواد د کانونو د امنیت د تامین په موخه جوړه شوې وه وویل چې غیررسمي اقتصاد باید په رسمي اقتصاد بدل شي ، کان کیندنه باید ګړندی شي او بازارموندنه باید په ملي ، سیمه ییزه او نړیواله کچه ترسره شي.

د ولسمشر محمد اشرف غني په ریاست یوه غونډه د هېواد د کانونو د امنیت د تامین په موخه جوړه شوه او د هلمند د مرمرو ډبرو کې د کار پرمختګ په اړه خبرې وکړې.

لومړی د کانونو او پټرولیم وزیر محمد هارون چخانسوري د کانونو د استخراج پروسې په اړه په ځانګړي توګه په هلمند کې د رخام کان په اړه خپل راپور وړاندې کړ.