خوړو نړیوال پروګرام: له افغانستان سره د مرستې لپاره ۶۵۰ میلیونه ډالرو ته اړتیا لرو

د خوړو نړیوال پروګرام په افغانستان کې د مرستو د دوام غوښتنه وکړه.

د خوړو نړیوال پروګرام له افغانستان سره د مرستو د دوام لپاره د ۶۵۰ میلیونه ډالرو مرستې غوښتنه کړې ده.

د خوړو نړیوال پروګرام زیاته کړه چې په ۲۰۲۱ او ۲۰۲۲ کلونو کې د لوږې له ریکارډ وروسته په افغانستان کې د خوړو خوندیتوب یو څه ښه شوی دی. خو بیا هم له څلورمې برخې څخه زیات نفوس د ژوندي پاتې کیدو لپاره خوراکي مرستو ته اړتیا لري.

ملګري ملتونه وايي، سږ کال به په افغانستان کې ۲۳.۷ میلیونه خلک بشري مرستو ته اړتیا ولري.