ترکیه کې د ناقانونه افغان کډوالو توقیف

په ترکیه کې لس تنه غیر قانوني افغان کډوال ونیول شول.

ترکي رسنیو اعلان کړی، چې د ترکیې پولیسو ۱۰ تنه افغان مهاجر کارګران د زنګولدک په ښار کې په یوه زراعتي پروژه کې د کار د اسنادو د نه لرلو په خاطر نیولي دي.

د راپورونو له مخې، د خلکو د شکایت له ترلاسه کولو وروسته دغه پناه غوښتونکي چې په یوه قراردادي شرکت کې یې په غیر قانوني توګه کار کاوه، وپیژندل او ونیول شول.

په راپور کې راغلي چې د دغو کارګرانو د ایستلو بهیر پیل شوی او تمه ده چې ډېر ژر به بېرته افغانستان ته ستانه شي.