۸ میلیونه افغانان د کرونا په وړاندې واکسین شول

آریانانیوز: د طالبانو د حکومت د روغتیا وزارت وايي، شاوخوا اته میلیونه افغانان د کرونا ویروس پر ضد واکسین شوي دي.

د طالبانو د حکومت د روغتیا وزارت یوه ویاند ویلي: د واکسین څلور میلیونه نور ډوزونه د دغه وزارت په واک کې دي او په ټول افغانستان کې د واکسین بهیر دوام لري.

جاوید حاجی وویل: خلک د پخوا په پرتله واکسین کولو ته ډیر لیواله دي او هره ورځ شاوخوا 11,000 خلک واکسین کیږي.

د راپور له مخې، په کابل کې د ۱۶ مرکزونو په ګډون په ۳۷۷ مرکزونو کې د واکسین بهیر روان دی.

له څو میاشتو ځنډ وروسته د طالبانو حکومت له تېرې یوې اونۍ راهیسې د کرونا ناروغانو د مړینې ورځنی شمېر اعلانول پیل کړل.