برخه -څانګه : afghanistan, security -+

د خپرولو وخت : شنبه, ۱۵ سرطان , ۱۳۹۸ لنډ لینک :

کیان دره طالبانو پرته له کوم مقاومته ونیول

آریانانیوز: د بغلان ولایت دوشي ولسوالۍ د کیان درې سیمه د اسماعیلیانو د مشر سید منصور نادري د زیږیدو ځای دی او دغه سیمه د نوموړي یو له مهمو ولسي ملاتړ ځایونو څخه ګڼل کیږي.



په بغلان ولایت کې یوې سرچینې چې نه یې غوښتل نوم یې واخیستل شي رسنیو ته ویلي چې تېره ورځ دو شنبه د چنګاښ په ۱۰ مه وسله والو طالبانو د بغلان ولایت دوشي ولسوالۍ پر کیان درې نومي سیمه د سمنګان ولایت د روي دو آب ولسوالۍ له لوري ډلییزه حمله کړې چې د دې حملې په پایله کې د یادې ولسوالۍ کیان دره د وسله والو طالبانو په لاس سقوط شوې ده.
د بغلان ولایت دوشي ولسوالۍ د کیان درې سیمه د افغانستان د اسماعیلیانو د مشر سید منصور نادري د زیږیدو ځای دی او دغه سیمه د نوموړي یو له مهمو ولسي ملاتړ ځایونو څخه ګڼل کیږي.
د دغې سیمې امنیت تر سقوط کیدو مخکې د سیمه ییزو پاڅونوالو له لوري ساتل کیده.
بل خوا د بغلان د دوشي ولسوالۍ ولسوال صاحب داد غفوري له رسنیو سره په مرکه کې اندیښنه ښوولي چې که دوشي ولسوالۍ دغه له لاسه تللې سیمه بېرته ونه نیوله شي د دې ولسوالۍ نورې برخې به هم د وسله والو طالبانو لاس ته ولویږي.
په ورته وخت کې د دوشي ولسوالۍ د امنیت امر بیا له رسنیو سره په خبرو کې د دغې سیمې د سقطو خبر نه مني وایي چې سیمه د افغان ځواکونو تر ولکې لاندې ده.

شریک یي کړئ!