په کندهار ښار کې د يوې چاودنې له امله درې کسان وژل شوي

د کندهار د والي وياند داوود احمدي وويل چې چاودنه نن سهار د ښار اړوند د مېوې مارکېټ تر څنګ د مستريانو په سراى کې شوې ده.

هغه زياته کړه چې په دې پېښه کې درې مستريان وژل شوي او ١٣ نور ملکي وګړي ټپيان شوي دي.
دى وايي چې د چاودنې څرنګوالى تر اوسه نه دى معلوم، د پوليسو ټېم ساحې ته رسېدلى او د پېښې په اړه يې څېړنې پيل کړې دي.
د کندهار د ميرويس روغتون يوې سرچينې هم وويل چې دوى ته ١٣ ټپيان ور وړل شوي چې د شپږو ټپونه ژور دي.