برخه -څانګه : accidents, afghanistan, politics, security, social -+

د خپرولو وخت : چهارشنبه, 13 ژانویه , 2021 لنډ لینک :

په نیمروز ولایت کې پر ملکي وګړو د هوایی برید په اړه د بشري حقونو د خپلواک کمیسیون د تحقیقاتو پیل

آریانانیوز: د افغانستان د بشري حقونو د کمیسیون مشر وویل چې کمیسیون په هغه ادعاو باندې تحقیقات کوي چې په نیمروز ولایت کې ولسي وګړي وژل شوي دي…


د دغه کمیسیون مشر شهزاد اکبر په یوه ټویټ کې لیکلي چې د نیمروز پیښه په داسې حال کې رامینځته شوې چې مخکې په هلمند کې د بمبار په ترڅ کې د ماشومانو په ګډون د یوې کورنۍ څو غړي وژل شوي وو.

د نیمروز ولایت د خاشرود ولسوالۍ اوسیدونکو د لږترلږه ۱۴ تنو جسدونه د ولایت ودانۍ ته راوړي چې د دوی په وینا د شنبې په شپه د افغان ځواکونو په بمبار کې وژل شوي دي.

د وروستي راپورونو له مخې ، په نیمروز ولایت کې د دولتي ځواکونو په هوایی برید کې ، چې په پایله کې یې ملکي وګړو ته مرګ ژوبله اوښتې د یوې کورنۍ ۱۸ غړي وژل شوي دي.

باز محمد ناصر؛ ، د نیمروز د ولایتي شورا رییس، رسنیو ته د وینا پرمهال د پرون هوایی برید څخه د تلفاتو د زیاتوالي اعلان کړ.

په دې اړه ، د قربانیانو خپلوان صالح محمد ، په نیمروز ولایت کې ځایي رسنیو ته وویل چې په پیښه کې د هغه د کورنۍ ۱۸ غړي مړه شوي دي.

د ملي اردو هوایي بریدونه د شنبه په شپه ، د همدې میاشتې په شلمه د نیمروز ولایت په خاشرود ولسوالۍ ترسره شوي دي.

د ۲۱۵ میوند قول اردو پرون په یوه بیان کې وویل چې دا د هغه ادعاوو په اړه تحقیقات کوي چې په نیمروز کې ملکي وګړي وژل شوي وو.

قول اردو تایید کړې چې په عملیاتو کې یو شمیر ملکي وګړي زیانمن شوي.

شریک یي کړئ!