طالبان کی جانب سے یونیورسٹیوں میں لڑکیوں کے داخلے پر پابندی ناقابل دفاع ہے

افغانستان کے لیے امریکہ کے خصوصی نمائندے تھامس ویسٹ نے طالبان کی جانب سے یونیورسٹی میں طالبات پر ایک سال کی پابندی کے ردعمل میں کہا کہ یہ اقدام ناقابل دفاع ہے۔

ویسٹ نے ٹوئٹر پر لکھا کہ امریکہ افغانستان کے مستقبل اور اپنے مفادات کے لیے خواتین کی تعلیم تک رسائی کو اپنی ترجیحات میں اہم حیثیت دے رہا ہے۔

ویسٹ نے کہا کہ سب کو اس بات سے آگاہ ہونے کی ضرورت ہے کہ افغانستان کو مستقبل میں خواتین ڈاکٹروں، انجینئروں، کاروباری رہنماؤں اور سرپرستوں کی ایک نسل کی ضرورت ہے تاکہ وہ ترقی کر سکیں اور اپنے پیروں پر کھڑے ہو سکیں۔

یاد رہے طالبان کی وزارت تعلیم نے گزشتہ سال طالبات کے یونیورسٹیوں میں جانے پر پابندی عائد کر دی تھی۔