افغانستان کو فراموش نہ کیا جائے: تنظیمِ سلامتی و تعاون یورپ

تنظیمِ سلامتی و تعاون یورپ کے مستقل ارکان نے آسٹریا کے شہر ویانا میں افغانستان کی صورتحال اور خطے پر اس کے اثرات کے بارے میں اظہار خیال کیا۔

اگرچہ اجلاس میں یہ کہا گیا کہ دنیا کی توجہ یوکرین پر روس کے حملے کی جانب زیادہ ہے، تاہم اجلاس میں شریک ممالک نے زور دیا کہ افغانستان کو فراموش نہ کیا جائے۔

تنظیمِ سلامتی و تعاون یورپ کے اعلامیے میں افغانستان کی صورتحال کے وسطی ایشیائی ممالک میں خواتین اور مردوں پر اثرات پر بھی زور دیا گیا ہے۔

سویڈن کی مستقل نمائندے، ایلریکا فینرڈ کے مطابق تنظیمِ سلامتی و تعاون یورپ کے اعلامیے میں کہا گیا ہے کہ افغانستان کی صورتحال کا خطے پر براہ راست اثر ہے۔

تنظیمِ سلامتی و تعاون یورپ کے سینٹر فار کنفلیکٹ پریونشن کے سربراہ، تولا یارجا نے اجلاس میں کہا کہ افغانستان کی موجودہ صورتحال کو دیکھتے ہوئے علاقائی استحکام کے لیے وسطی ایشیا کو مزید امداد فراہم کی جانی چاہیے۔