د صهيوېسټ رزيم په پارلېمان کښې د «يهود هېواد» تصويبېدا

آریانانیوز:د حماس وياند فوزي برهوم وويل: د يهود هېواد تش په نامه قانون په خپل زمکه کښې د فلسطينيانو موجودګي او د هغوي تاريخي حق په خطر کښې اچوي او د فلسطيني ټاټوبي په څرګنده د مصادره کولو او غصب کولو سبب کيږي.

برهوم د دې په بيانولو سره چې که د فلسطيني ملت په خلاف د صهيونېست رژيم له جنايتونو څخه د امريکې نامحدوده ملاتړ او د سيمې د هېوادونو خاموشي نه وې نو هيڅکله داسې موارد نه شول تصويبېدې زياته کړه، دغه مصوبه په کلي توګه باطله ده او د فلسطين ملت هم هغه شان د دغه ټابولي مالک ؤ او وي به.
د فلسطين د ازادي بخښونکي تنظيم ساف د اجرائي کمېټۍ مشر صائب عريقات هم وويلو دغه قانون د هغه استعماري ميراث دوام دے چې د نژادي پاکسازۍ په بنياد جوړ دے او دغه قانون قصداً د يو تاريخي ټاټوبي د اصلي اوسېدونکو په حقوقو سترګې پټول دي.
د فلسطين اسلامي جهاد تنظيم لوړ رتبه غړي يوسف الحساينه هم وويل، د اسرائيلي پارلېمان د نوې مصوبې له مخې د اسرائيلو سياست په ۱۹۴۸ کال د په نيواکي زمکو کښې د فلسطينيانو تباهي په ځان پسې لري چې له دغې خطرناکې دسيسې سره د مقابلې لپاره د کورنيو او سيمه ايزو هلو ځلو وحدت ته ضرورت لري.
صهيونېسټ رژيم نن د يهود هېواد نومې لائحه چې ټول نيواکي فلسطين يې يوازې د صهيونېسټانو لپاره ټاټوبے اعلانوي او د فلسطينيان له خپلو ټولو مدني او انساني حقوقو څخه محروموي پهع ۶۲ موافقو، ۵۵ مخالفو او دوو ممتنعو رايو سره تصويب شوه.