ډونالډ ټرمپ د کیم جونګ اون په غوښتنه

آریانانیوز: دیوراپورپه اساس ډونالډ ټرمپ او کیم جونګ اون د شمالي او جنوبي کوریاګانو تر منځ پر سرحد چې د ۱۹۵۰ څخه تر ۱۹۵۳ کلونو تر منځ تر جګړې وروسته وکښل شو لومړی روغبړ وکړ او وروسته ټرمپ او کیم جونګ دواړه شمالي کوریا ته داخل شول او عکسونه یې وویستل.
ډونالد ټرمپ د امریکا لومړنی ولسمشر دی چې د شمالي کوریا خاورې ته داخل شو.
د ټرمپ او کیم جونګ اون تر منځ دا غیر پلان شوی ملاقات تر هغه وروسته وشو چې پرون شنبه ټرمپ پر خپل ټویټر اکونټ شمالي کوریا ولسمشر ته بلنه ورکړه چې که د ده ټویټ ګوري نو په سرحد به د روغبړ لپاره ورسره وګوري.
ټرمپ همدارنګه د شمالي کوریا مشر کیم جونګ اون ته امریکا ته د تګ بلنه هم ورکړه.