محمد: ترټولو محبوبه نامه ګرځول شوي

آریانانیوز: د انګلستان د احصایو ملی ادارې دیوې خبرتیا په خپرولو سره وئیلی دی ، په تیر یوه کال کې هغه ترټولو زیاتې نامې چې د دغه هیواد د نوزیږو لپاره ثبت شوی دی ، د محمد ، اولیور او اولیویا نامې دی.

د دغه راپور په اساس په بریتانیا کې د نوزیږو لپاره دمحمد نامې کیښودل په اوڅاره توګه زیات شوی دی او په راتلونکو کلونو کې به دغه نامه د دغه هیواد په واټونو او کوڅو کې کې لازیاته واوریدل شی .
مسلمانان د انګلستان دنفوسو کابو پنځه فی صده برخه جوړوی ، خو زیاتره مور پلار ترجیح ورکوی ، چې خپل زامن محمد ونوموی .
د بریتانیا داحصایو ملی ادارې همداراز وئیلی دی ،په دغه هیواد کې د نوزیږو انجونو لپاره هم د لیلا ، نامه په ترټولو محبوبو لسو نامو کې ده او د سارا نامه هم د سلو محبوبو نامو په لیسټ کې شاملې دی .
د انګلستان د احصایو دملی ادارې د راپور په اساس ، سیاستوالانو نامې ، په دغه هیواد کې د مورپلار لپاره څه خاص جذابیّت نه لری .