د ریل پټلۍ له لارې له ګاونډیو هېوادونو سره د افغانستان د ټرانزیټ زیاتوالی

افغانستان د ریل پټلۍ له لارې د گاونډیو هېوادونو سره د ټرانزیټ زیاتوالی، چې د 2.3 میلیونه مټریک ټنه مالونه تبادله شوي.

افغانستان په اوو میاشتو کې د ریل پټلۍ له لارې ۲.۳ میلیونه مټریک ټنه مالونه تبادله کړي دي. د طالبانو د حکومت د ټولګټو وزارت ویاند محمد اشرف حق شناس وايي، افغانستان هڅه کوي چې د اورګاډي پټلۍ له لارې له ګاونډیو هېوادونو سره سوداګریزې راکړې ورکړې زیاتې کړي. حقشناس زیاتوي چې افغانستان د روان کال په لومړیو اوو میاشتو کې دوه میلیونه او ۳۰۰ زره مټریک ټنه مالونه د ریل پټلۍ له لارې تبادله کړي دي.