اوچا په هرات کې د بې کوره زلزله ځپلو د وضعیت په اړه اندیښنه څرګنده کړه

اوچا د هرات کې د زلزله ځپلو د وضعیت په اړه اندیښنه څرګنده کړه، چې د 25 زره زیانمنې کورنۍ لا هم مناسب سرپناه نه لري.

اوچا په هرات کې د زلزله ځپلو د بې کوره شويو وضعيت په اړه خپله اندېښنه څرګنده کړه او په ژمي کې يې له افغانستان سره د عاجلو مرستو غوښتنه وکړه. په افغانستان کې د ملګرو ملتونو د بشري چارو د همغږۍ دفتر (اوچا) وايي، د هرات له زلزلې یو کال وروسته او د ژمي په را رسېدو سره ۲۵ زره زیانمنې شوې کورنۍ لا هم مناسب سرپناه نه لري. دغه دفتر په یوه راپور کې پر دغه وضعیت اندېښنه ښودلې ده.