د هوا پیژندنې ریاست د هیواد په 21 ولایتونو کې د واورې او باران د احتمال په اړه اعلان وکړ

آریانانیوز: د هوا پیژندنې ریاست د یوې اعلامیې په خپرولو سره د هیواد په 21 ولایتونو کې د ناڅاپي سیلابونو سره د احتمالي واورې او باران خبرداری ورکړی...

دې ادارې په یوه بیان کې لیکلي چې په کابل ، پروان ، میدان ، وردک ، بامیان ، غزنی ، پکتیکا ، ارزګان ، زابل ، دایکندي ، کندهار ، هلمند ، فراه ، هرات ، بادغیس ، سرپل ، بلخ ، غور ، بدخشان ، تخار ولایتونو او د سالنګونو په ګډون کې د واورو او سیلابونو احتمال شتون لري.

د هوا پیژندنې څانګې په مختلفو ځایونو کې د (10 څخه تر 25) ملی مترو پورې د باران اندازه او په مختلفو ځایونو کې د واورې اندازه د (10 څخه تر 30) سانتي مترو پورې وړاندوینه کړې ده.

د یادونې وړ ده چې سږکال زموږ هیواد د درنو بارانونو او ویجاړونکي سیلابونو شاهد و ، چې ډیر تلفات او زیانونه یې اړولي دي.