د خوړو نړیوال پروګرام: افغانستان کې د اقلیم بحران لوږه لاپسې زیاتوي

د خوړو نړیوال سازمان اعلان کړی چې په افغانستان کې د خوړو امنیت د له منځه تلو له ګواښ سره مخ دی.

د خوړو نړیوال پروګرام (ډبلیو اف پي) په افغانستان کې وروستیو سیلابونو ته په اشارې سره خبرداری ورکړی چې د اقلیم بدلون به په افغانستان کې لوږه لا پسې زیاته کړي.

هسيائو ويلي وويل چې افغانستان ښايي په راتلونکو مياشتو کې د زياتو سيلابونو شاهد وي.

هغه زیاته کړه: د پرله پسې ناورینونو په رامینځته کیدو سره چې ټولنه اغیزه کوي ، [خلک] بیوزلۍ ته اړوي. افغانستان کې د خوړو خوندیتوب اوس د ورکیدو له خطر سره مخامخ دی.

د هغه په وينا، د افغانستان کې د وروستيو سېلابونو له امله زيانمنې شوې کورنۍ د ژوندي پاتې کېدو لپاره عاجلو مرستو ته اړتيا لري.

د نړیوال خوراکي پروګرام دغه چارواکي ویلي دي چې د افغانستان په شمال لویدیځ غور او فاریاب ولایتونو کې د تیرې اونۍ سیلابونو خلکو ته ځاني او ستر مالي زیانونه اړولي دي.

د دغه نړيوال سازمان د معلوماتو له مخې، په دغو دوو ولايتونو کې د سېلابونو له امله لږ تر لږه ١٣٠ کسان وژل شوي او سلګونه نور لا هم ورک دي.

ويلي په ولسواليو کې د مواصلاتي لارو د خرابوالي له امله زيانمنو خلکو ته بشري مرستو رسول ستونزمن شوي دي.