د خوارځواکۍ په وړاندې د ۱۴۰ زره افغان ماشومانو لپاره د یونیسف مرستې

آریانانیوز: د ملګرو ملتونو د ماشومانو صندوق په افغانستان کې د ۱۴۰ زره په خوارځواکۍ د اخته ماشومانو درملنې اعلان وکړ.

د ملګرو ملتونو د ماشومانو وجهي صندوق (یونیسف) اعلان کړی چې په افغانستان کې ۱۴۰ زره ماشومان د سختې خوارځواکۍ له امله تر درملنې لاندې دي.

یونیسف ټویټ کړی چې دا ماشومان چې عمرونه یې له پنځو کلونو کم دي د جنوري له لومړۍ نیټې څخه د روان کال د مارچ تر پایه د شدید خوارځواکۍ درملنه ترلاسه کړې.

دا په داسې حال کې ده چې تر دې مخکې یونیسف په ماشومانو کې د خوارځواکۍ د زیاتوالي خبر ورکړی و.