په ګرشک ولسوالۍ کې د هاوان د لګېدلو له امله دوه ملکي کسان و وژل شول

آریانانیوز: د هلمند ولايت مطبوعاتي دفتر په يوه اعلاميه کې ويلي چې دغه هاوان دمخالفو وسله‌والو له‌خوا توغول شوى او په وژل شويو کې يوه ښځه او بل نارينه دى.

پېښه تېره شپه د ګرشک ولسوالۍ په سپین مسجد سیمه کې شوې ده چې د راپورونو پر اساس د افغان ځواکونو له‌خوا په کې پوځي عمليات روان دي.
په‌دې وروستیو کې په هلمند کې د جګړې د دواړو غاړو له خوا په بریدونو او جګړو کې ملکي تلفات ډېر شوي دي.