په کونړ کې د ۲۰۰ بستریز روغتون د بنسټ ډبره کېښویدا

آریانانیوز: د ارګ له مطبوعاتي دفتره په رالېږل شوې خبرپاڼه کې راغلي چې ولسمشر چی کونړ ته ورسېد او له رسېدو سره سم یې ددغه ولایت د عامې روغتیا ریاست د اداري ودانۍ پرانیسته وکړه.

تر هغه وروسته یې په اسعد اباد ښار کې د یوه ۲۰۰ بستریز روغتون د بنسټ ډبره کېښوده. خبرپاڼه زیاتوي چې پر دغه روغتون به نږدې ۳۶۰ میلیونه افغانۍ لګښت راځي او د افغان حکومت له بودیجې ورکول کېږي.
ولسمشر ویلي، چې دغه روغتون د یوه ستر کار پیل دی او په کونړ کې به د خلکو ستونزې حل کړي. دده په وینا د عامې روغتیا وزارت ته یې لارښوونه کړې چې په کونړ کې د روغتیايي خدماتو په عصري کولو او اسانتیاوو برابرولو کې له ټولو امکاناتو استفاده وکړي.