ولسمشر غني: د سولې خبرې به ژر پیل شي

آریانانیوز: ولسمشر وویل د سولې خبرو ته ټول خنډونه لرې شوي او د سولې خبرې به ژر پیل شي...

د افغانستان د اسلامي جمهوریت د جمهوررئیس محمداشرف غني په مشرۍ د کابینې غونډه په ارګ کې جوړه شوه.

د غونډې په جریان کې ، چې د ویډیو کنفرانس له لارې واليانو هم برخه اخیستې وه ، ولسمشر غني وویل چې د سولې خبرو په وړاندې ټول خنډونه لیرې شوي دي او د افغانستان د اسلامي جمهوریت د مذاکراتي ټیم ډاډ ورکړی چې د سولې خبرې به ډیر ژر پیل شي.

د ارګ په وینا ، ولسمشر یو ځل بیا په پروان او د هیواد په نورو ولایتونو کې د سیلابونو له امله د شهیدانو او ټپيانو کورنیو سره خپله غمرازي او خواخوږي څرګنده کړه.

او د امنیتي ځواکونو په ځانګړي توګه د ملي اردو څخه یې مننه وکړه چې په پروان او نورو ولایتونو کې یې د سیلاب ځپلو ته ژر تر ژره رسیدګي وکړه .

د کابینې غونډې له وزیرانو او د وزارتونو له سرپرستانو څخه مننه وکړه چې په وروستیو کلونو کې یې د خپلو اړوندو وزارتونو کارونه سرته رسولي او اوس په خپل ځای نورکسان د نوي وزیرانو په توګه نومول شوي دي .

د افغانستان د اسلامي جمهوریت کابینې له بحث او غور کولو وروسته د تابعیت پېژندپاڼه کې د مور نوم په شمول ، د نفوسو د ثبت قانون ځینې مادې کې د تعدیل او اضافه کولو په ګډون یو شمیر وړاندیز شوي پلانونه تایید او تصویب کړل، او د ځینې نورو تسلیم شوي پلانونو په اړه یې اړوندو دولتي ادارو ته ځانګړي دندې سپارلي .