ملګرو ملتونو یو ځل بیا د رایې ورکولو د حق په اړه د افغانستان غوښتنه رد کړه

ملګرو ملتونو د افغانستان د رايې ورکولو د حق د بېرته ترلاسه کولو لپاره د افغانستان استازولۍ غوښتنه رد کړه او په دې توګه به افغانستان د یوه بل کال لپاره له دغه حق څخه محروم وي.

ملګرو ملتونو د افغانستان د رايې کارولو د حق د بیا ترلاسه کولو لپاره د افغانستان استازولۍ غوښتنه رد کړه او په پایله کې به افغانستان د بل کال لپاره له دې حق څخه محروم شي.

د دې پرېکړې په غبرګون کې د افغانستان د دایمې استازولۍ سرپرست نصیر احمد فایق وویل، چې د استازولۍ غوښتنې د سیمې د ځینو هېوادونو د “سیاسي ملحوظاتو” له امله نه ده منل شوې. خو نوموړي د کوم هیواد نوم وانخیست.

د می د میاشتې په نیمایي کې افغانستان د ملګرو ملتونو د غړیتوب د فیس د پرله پسې نه ورکولو او د نه ورکړې لپاره د توجیه د نشتوالي له امله د ملګرو ملتونو په عمومي اسامبله کې د رای ورکولو له حق څخه محروم شو.

دا په داسې حال کې ده، چې په تېرو دوو کلونو کې شپږو نورو هېوادونو د ملګرو ملتونو د غړیتوب فیس نه دی ورکړی، چې له دې ډلې درې هېوادونو په معقولو عذرونو سره وکولای شول، چې د رای ورکولو حق وساتي.