لسګونو مېرمنو د سولې په نامه نیالګي کېنول

آریانانیوز: دغه میرمني وايي د سولې په خبرو کې باید فعاله هلمندیو میرمنو ته د ګډون حق ورکول شي، ځکه ښځې د سولې په خبرو کې اغیزمن رول درلودلای شي.

د دوی په خبره د سولې هغه خبرې چې ښځینه پکې ګډون ونه لري، مثبتې پایلې به ونه لري.
د نیالګیو کینولو پدې اشر کې د هلمند د ښځو چارو ریسې وجیهه مقدس رسولي هم برخه اخیستې وه، اغلې رسولي وویل: د نیالګیو کینولو دغه کمپاین یوازې د سولې لپاره ځانګړي شوی دی.
د رسولي په خبره ټولې میرمنې د سولې په تمه دي او دوی هڅه کوي، چې د سولې په روانو خبرو کې اغیزمن رول ولري.
د ښځو چارو ریئسه زیاتوي هلمند میشتې فعاله میرمنې د افغان دولت د سولې له روانو هڅو څخه بشپړ ملاتړ کوي او د سولې په خبرو کې د افغانان لاسته راوړني او نور ارزښتونه باید قرباني نه شي.
د یادونې وړ ده، چې ټول افغانان د سولې تږي او غوښتونکي دي، خو د ولس لویه غوښتنه بیا دا ده، چې د سولې په روانو خبرو کې دي د تېرو کلونو لاسته راوړنې او د افغانانو ملي ارزښتونه نه قرباني کېږي.