سیګار: اشرف غني يو ميليون ډالر بهر ته لېږدولي دي

سیګار د اشرف غني له خوا له افغانستان څخه د پیسو د انتقال ادعا څېړلې ده.

سیګار یا د افغانستان د بیارغونې لپاره د امریکا د ځانګړي سرمفتش ادارې یو نوی راپور خپور کړی چې په کې هغه تورونه څېړل شوي چې پخواني افغان ولسمشر اشرف غني له هېواده بهر پیسې لېږدولې.

په راپور کې راغلي: د هغه پیسو اندازه چې اشرف غني له ځانه سره اخیستې وه له یو ملیون ډالرو څخه زیاته نه وه.

تر دې مخکې سیګار په افغانستان کې د امریکا د حضور په پای کې د افغان پوځ د سقوط لاملونه څېړلي او په یوه راپور کې یې ویلي چې کابل ته د طالبانو د ننوتلو پر مهال اشرف غني پر افغان او امریکايي پوځیانو باور نه درلود.