ذبیح الله مجاهد: د طالبانو مخالفین به وځپل شي

آریانانیوز: په داسې حال کې چې د بشري حقونو فعالان په کابل کې د یو شمېر ښځو لاریون کوونکو د ورکېدو په اړه اندېښنه ښودلې ده، ذبیح الله مجاهد د طالبانو ویاند یوه بیانیه خپره کړه.

طالب وياند ذبيح الله مجاهد وايي، طالبان حق لري چې لاريون کوونکي او مخالفين بنديان کړي او وځپي.

له هغه وخته چې طالبان واک ته ورسېدل، د طالبانو حکومت په تاوتریخجن ډول د ښځو سوله ییز لاریونونه شنډ کړي، یو شمېر افغان خبریالان یې وهلي او منتقدین یې بندیان کړي دي.

دا په داسې حال کې ده چې پر طالبانو د متحده ایالاتو او نړیوالې ټولنې له خوا د ښځو او نجونو پر وړاندې د محدودیتونو د ټاکلو له امله بندیزونه لګول شوي دي.

د دغو بندیزونو لګول د افغانستان خلکو ته یوه جدي ننګونه ده.